Om hytta
Geiterygghytta ligg i 1224 meters høgde midt i Skarvheimen, fjellområdet mellom Hardangervidda og Jotunheimen. Naturen er storslått, vill og vakker. Den Norske Turistforening (DNT) har eit veldig godt utbygd rutenett i området. Geiterygghytta, som vart opna i 1914, er eit viktig knutepunkt for rutene frå Hol, Aurland, Finse og Hallingskeid. Geiterygghytta er ein av dei viktigaste innfallportane til Aurlandsdalen.
Geiterygghytta har 88 senger fordelt på 2-, 4-, og 6-sengsrom og sovesal.
Hugs å ha med gyldig medlemskort!
Kontakt oss
Telefon: 906 01 453
E-post: geiteryggen@turistforeningen.no
Skuleklassar og liknande grupper
Geiterygghytta tek gjerne i mot skuleklassar. For besøk med skuleklasse må det bestillast plass på hytta ved å kontakte bestyrar på geiteryggen@turistforeningen.no tlf. 906 01 453 eller DNT Oslo og Omegn, tlf. 22 82 28 22.
På hytta er det naturfaglege bøker, barne- og ungdomsbøker og spel. Det finns også noko enkelt utstyr for uteaktiviteter som ballar, bocca og kubb. I tillegg har vi lavvo, fiskestenger, båt og kano med vester. Eit stort turkart viser turmulegheiter ved hytta.
Før turstart er det viktig å gjere eit godt førearbeid med å planlegge turen i samarbeid med elevane.
Vertskapet er godt kjende rundt hytta og kan gi god informasjon om turmulegheiter, aktuelle aktivitetsstader og anna praktisk informasjon.